Sunday, December 20, 2009

~~~...us shaam jo ek lat pareshaan si thi...~~~


us shaam jo ek lat pareshaan si thi
jazba-e-ishq ki dagar aasaan si thi


haath utha ke chhoona maine chaha
muddat-e-fursat us roz aasman si thi


tere labon ne kiya tha qaid nazron ko

warna rehguzar meri weeraan si thi


armaan the shokhiyon ke ghulaam
har ik ada aazmaish-e-imaan si thi


woh kashish liye badan tera, zalim
na tod koi, har dawaa hairaan si thi


zillat mein jeena manzoor tha 'Noor'
jiske liye, ye khata wo nihaan si thi


'Viti' ko mauka na de dena tum aisa
ye khata hi uske liye nuksaan si thi


kyun khayaal aisa aaye zehan mein
ki hasrat-e-'Noor' hi aashnaan si thi

2 comments:

  1. mudat ke fursat aasma si thi....


    you pour down thoughts ...which sink in deep

    ReplyDelete
  2. muddat eh fursat us roz aasma si thi..... i adored this line

    you pour down thoughts ...which sink in deep

    ReplyDelete