Saturday, October 31, 2009

~~~...Tum ho saahil samjho...~~~

meri baaton se kuch samjho to yeh samjho
mujhe apni adaon ka bas ik aashiq samjho

ek lat tumhare rukh pe bhikhar jaaye kabhi
sujha dene ke mujhe kabhi to kabil samjho

mujhe talaash hai rehti har subah-o-shaam,
nigaah-e-'Noor' ka mujhe tum kayal samjho

main dariya hun, dhoondhun manzil, jismein
khwaish khone ki hai, tum ho saahil samjho

zindagi 'Viti' guzaare bandagi mein, hai dua
tumko khuda kehne ke mujhe layak samjho...

Interesting picture series #3



this one is simply...wild :D

Friday, October 30, 2009

~~~...Jab baarish rukne ka naam na le...~~~

kisi geele se din, jab baarish rukne ka naam na le...

kisi geele se din, jab baarish rukne ka naam na le
jab sadkon par paani bhara ho, sab ruka sa rahe
jab badlon ki gadgadahat reh reh ke deti rahe sunai
jab andhera sa chhaya ho, bachche khelte dikhen
jab mendhak aasman sar pe utha len chillaate hue
jab thandak si ho mausam mein, suhana sa sama...

kisi khidki ke paas 'Noor,' ho tum baithi socho us din
aur kismat ho meri ki tumhe thaame baahen meri hon...

kisi geele se din, jab baarish rukne ka naam na le...

One interesting picture per day series :) #2



I like to call this one "lost and found" :)

Thursday, October 29, 2009

~~~...Aag lagi thi...~~~


kuch log bata rahe hain, ek dil jala tha...
kya tumne suna, kal yahan aag lagi thi?

bheed si lagi hai aaj, hai bhaga-daudi si...
kya tumne suna, kal yahan aag lagi thi?

kyun faili lapten, koi nahi jaanta abhi tak...
kya tumne suna, kal yahan aag lagi thi?

pata nahi tha koi aashiq, ya deewani koi...
kya tumne suna, kal yahan aag lagi thi?

dhuan sa uthtaa dikh to raha hai mujhe...
kya tumne suna, kal yahan aag lagi thi?

garm hawa ka jhonka uda raha hai gesu...
kya tumne suna, kal yahan aag lagi thi?

ab kisi ki khwaishon ka janazaa niklega...
kya tumne suna, kal yahan aag lagi thi?

ek tees si uth rahi hai mann mein mere...
kya tumne suna, kal yahan aag lagi thi?

darr lagta hai ki kal ye haalat meri na ho...
kya tumne suna, kal yahan aag lagi thi?

kya tumne suna....

aag lagi thi...

As promised...a little poetry to accompany pictures :)

Little hope and such...

I walked lone
On that path
Just me and

Some music.

Leaves rustling
Breeze flowing
Moon shining
Just me and

My thoughts.

My thoughts
Stopped at
One face
Made me
Think of
Noor.

I sighed aloud
Thought it out
Soon I knew
Its not true!
Can't hide
Can't run
Help.

Might be able
To pretend a
Fake accent
Fake smile
Fake glee
But not
A fake
Life.

Set me free
Let me go
I need to
Scream
Dream
Hate
Fate
And
Fly.

Look at me
Watch me
Love me
When I
Break
Down
And
Cry.

Many desires
Many loves
Many lives
So many.
I'm lost
Looking
For you.

Glimpse of smile
Desire of touch
Stay awhile
As I clutch
Little hope

And such.

The path ended
The thoughts
Kept coming
Right back
Stop.

Still walking lone
Like a leaf blown
Uttering a moan,
Slow, monotone.

I ask nothing
Yet I plea
Disagree.

Not satisfied yet
I want more.

I want to...

Explore.

Implore.

Adore.

One interesting picture per day series :) #1

I decided to post a picture a day on this blog. Will pepper it up with occasional poetry. So here is today's pic...its from the cherry blossom festival in Washington DC last spring :)





Wednesday, October 28, 2009

~~~...Mukammal kar do...~~~

...baithe baithe kaise kaise rog lagaye...dil ne humaare...

mujhe le chalo wahan 'Noor' jahan tumhe ho milta sukoon aur chain...
main bas chahun rehna wahan jahan katra katra tumhari muskurahat chhalke...
tum chaho to mujhe apna na kehna, aur na main jataungi koi haq tum par...
kabhi barbas hi tum chhoo lo, fakat kaafi hoga is tadapti rooh ke liye...
kuch pyaas bujhe to, kuch aasman jhuke to, haath to aaye kabhi mere...
phir bhale hi tum ho jao kisi aur ki tamanna, kisi aur ki aarzoo, beshak...
mere paas kuch pal ka saath ho bas, yaad rakhne ko tumhari aawaaz ho bas...
yeh khwaish-e-'Viti' tum poori kar do, meri jannat kaash yun tum mukammal kar do...